Bakı - Quba - Rusiya Federasiyası ilə dövlət sərhədi avtomobil yolunun qalan hissəsinin tikintisi

Nəqliyyatın təhlükəsiz hərəkətinin, həmçinin “Şimal-Cənub” Beynəlxalq Nəqliyyat Dəhlizinin inkişafının təmin olunması Bakı - Quba - Rusiya Federasiyası ilə dövlət sərhədi avtomobil yolunda təmir-bərpa işlərinin aparılmasına zərurət yaratdı.

Ümumi uzunluğu 33,1 km olan yolun qalan hissəsinin (134 + 700 - 167 + 872 km) tikinti layihəsi “EVRASCON” ASC-yə etibar edilmişdir. İri dövlət və beynəlxalq layihələrin həyata keçirilməsi sahəsində zəngin təcrübəyə malik olan mütəxəssislərimiz tərəfindən bir sıra işlər görülmüşdür:

• 17 körpünün tikilməsi;
• 23 yeraltı piyada keçidinin salınması;
• 199 dəmir-beton borunun çəkilməsi;
• “Quba-Xaçmaz” nəqliyyat şəbəkəsinin tikintisi.

Hal-hazırda komandamız tərəfindən tikinti işlərinin yekun mərhələsi olan yolun son asfalt (eroziya) qatının çəkilməsi həyata keçirilir.